ორშაბათს რამდენიმე მატჩი გაიმართა ქართველ ლეგიონერთა მონაწილეობით. კვიპროსის ჩემპიონატის მე-7 ტურში სტუმრად აპოელ-თან წააგო შოთა გრიგალაშვილის "ანორთოსისმა" და მესამე ადგილზე დაქვეითდა. ქართველმა ფეხბურთელმა 73-ე წუთამდე ითამაშა.
დანიაში ქართველთა "ორჰუსმა" სტუმრად 2:0 მოუგო "ესბიერგს". დავით სხირტლაძე 68-ე წუთზე შევიდა მოედანზე, ხოლო მათე ვაწაძე სათადარიგო გახლდათ, დავით დევდარიანი არ ყოფილა. "ორჰუსი" 18 ქულით მე-5 ადგილზეა. მეორე გოლი კასპერ სლოტმა სხირტლაძის პასით გაიტანა.
თურქეთში შოთა არველაძის "ქასიმფაშამ" იმ გუნდს აჯობა, სადაც საფეხბურთო კარიერის ბრწყინვალე ეტაპი გაიარა ქართველმა - "ტრაბზონს" 3:2 მოუგო.
ამ მოგებით ჩვენებურის გაწვრთნილი
თამაშის შემდეგ შოთა ყველაფრით კმაყოფილი იყო:
"სტადიონზე ბრწყინვალე ატმოსფერო იყო. მინდა, რომ სულ ასე იყოს ჩვენთან. გავიტანეთ ლამაზი გოლები.
სატურნირო მდგომარეობით კმაყოფილები ვართ, თუმცა ბრძოლა გრძელდება".
რუსეთში გია გრიგალავას "ანჟი" სტუმრად 0:2 დამარცხდა "ყუბანთან" და ბოლო ადგილზე რჩება. ჩვენებურმა 90 წუთი ითამაშა (5,5 ბალი "ჩემპიონატისგან").
ასევე იხილეთ:
შოთა არველაძე: თურქეთი იმსახურებს მუნდიალის საგზურს
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
