18 დეკემბერს ჰოლანდიის ჩემპიონატის ლიდერი არნემის "ვიტესი" ქვეყნის თასის გათამაშებას მერვედფინალიდან დაემშვიდობა - "როდასთან" 1:3 წააგო. მატჩის შემდეგ გაცოფებული იყო გუნდის თავკაცი პეტერ ბოში, რომელმაც ვერ მოითმინა და FOX Sports-ის კამერების წინ ძალიან ცუდად ილაპარაკა ქართველ კაპიტან გურამ კაშიაზე:
"გურამ კაშია ამბობს, "ვიტესს" ენერგია არ ეყოო. ნაგავი სიტუაციაა - თუკი ფეხბურთელს კვირაში სამჯერ ენერგიულად თამაში არ შეგიძლია, სხვა პროფესია უნდა მოძებნო".
აქვე გეტყვით, რომ ჩვენ აქ ბოშის ფრაზიდან უწმაწური სიტყვები ამოვიღეთ...
"გუნდმა საშინლად ითამაშა, დაბალ დონეზე, "როდამ" კი გამარჯვება დაიმსახურა".
ყოველ შემთხვევაში, ბოლო დროს ვაკო ყაზაიშვილისა და გიორგი ჭანტურიას პოზიციები მკვეთრად შეირყა გუნდში. "როდასთან" ჭანტურია სასტარტოში მხოლოდ მაიკ ჰავენაარის დისკვალიფიკაციის გამო მოხვდა.
სხვათა შორის, ჭანტურიამ პირველი ტაიმის ბოლოს ბურთი ხარიხას გაარტყა. ჭანტურიამ თავი მაინც გამოიჩინა - 75-ე წუთზე ვან აანჰოლტმა მისი საგოლე პასის წყალობით გაათანაბრა.
ასევე იხილეთ:
ქართველ ლეგიონერთა სათასო მარცხები: "ვიტესიც" გავარდა, "ლეგიაც", "ქაისერიც" და "ჰაიდუკიც"
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
