ჰოლანდიურ ერედივიზიონში ქართველების "ვიტესმა" ისევ გაუშვა ხელიდან ლიდერობის დაბრუნების შანსი - თუ წინა ტურში "ფეიენოორდთან" სტუმრად ქულას გამორჩა, 4 თებერვალს საკუთარ მოედანზე "ალკმაართან" 0:2 დამარცხდა. არნემელთა კაპიტანმა გურამ კაშიამ 90 წუთი დაჰყო მოედანზე, მეორე ქართველი ვაკო ყაზაიშვილი კი ბოლოსკენ ჩაერთო თამაშში და კინაღამ ანგარიში "დაასველა" - მისი თავური მცირედით ასცდა მიზანს.
არ გამოჩენილა გიორგი ჭანტურია, რომელიც ახალი კლუბის ძიებაშია და "ვიტესისთვის", ეტყობა, ვეღარ იცლის.
სტუმრები პირველივე ტაიმში დაწინაურდნენ - ჯერ ავტოგოლით, რომელიც მეტოქეს ვან აანჰოლტმა "მიართვა", ხოლო შემდეგ იოჰანსონმა ორბურთიანი
წაგების მიუხედავად, არნემელები მეორე ადგილზე რჩებიან და ჩემპიონობისთვის ბრძოლას აგრძელებენ.
სხვათა შორის, "ვიტესს" ტრიბუნიდან ორი ქართველი ქომაგობდა - კლუბის ყოფილი მეპატრონე და პრეზიდენტი მერაბ ჟორდანია და მწერალი დათო ტურაშვილი...
კობა ინასარიძე
ყოველდღიური სპორტული გაზეთი "ლელო"
