გუშინ, 8 აპრილს, ევროპულ მინდვრებზე ძირითადად სათასო მატჩები გაიმართა. ითამაშეს ქართველმა ლეგიონერებმაც, კერძოდ - კვიპროსისა და უკრაინის თასის გათამაშების შეხვედრებში.კვიპროსის თასის ნახევარფინალის პირველ მატჩში "ომონია" სტუმრად დაუპირისპირდა აპოელ-ს და 0:3 დამარცხდა. წაგებულთა რიგებში 60 წუთი ითამაშა საქართველოს ნაკრების მარჯვენა მცველმა უჩა ლობჟანიძემ.
უკრაინის თასის საპასუხო მეოთხედფინალში კიევის "დინამომ" "ზორიას" შინ 2:0 მოუგო. პირველი შეხვედრაც ფავორიტთა გამარჯვებით (2:1) დასრულდა. "ზორიას" ქართველი ნახევარმცველი ჯაბა ლიპარტია სათადარიგო იყო.
უკრაინის თასის ამავე ეტაპზე ერთმანეთს "დნიპრო" და ოდესის "ჩერნომორეცი" შეხვდნენ (პირველი მატჩი დნეპროპეტროვსკელებს 4:0
საპასუხო დაპირისპირებაში "დნიპროს" რიგებში არ უთამაშია საქართველოს ნაკრების კაპიტან ჯაბა კანკავას. "ჩერნომორეცში" კი მე-12 წუთზე შეცვალეს ახალგაზრდა ქართველი გიორგი გადრანი, რომელმაც ტრავმა მიიღო. მატჩი კი ორკაცნაკლულმა "დნიპრომ" 1:0 მოიგო და ნახევარფინალის საგზური ოფიციალურად გაიფორმა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
