პოლონეთის ჩემპიონატი წარმატებული გამოდგა ქართველთა "იაგელონიასთვის", რომელმაც ბოლო ტურში 4:2 დაამარცხა "ლეხია" და 41 ქულით მესამე ადგილი მოიპოვა. შეგახსენებთ, რომ "იაგელონიაში" ნიკა ძალამიძე და გიორგი ფოფხაძე თამაშობენ. 23 წლის ძალამიძისთვის სეზონი შესანიშნავი გამოდგა - 33 მატჩში 3 გოლითა და 11 საგოლე პასით (პოლონეთის ჩემპიონატში მეორე შედეგი). გიორგი ფოფხაძე მეორე წრეში დაუბრუნდა "იაგელონიას" და სულ 6 მატჩი გამართა.
მატჩის შემდეგ ფეხბურთელებმა კუთვნილი ბრინჯაოს მედლები მიიღეს. ძალამიძე და ფოფხაძე დაჯილდოებისას საქართველოს დროშებშემოხვეულნი ზეიმობდნენ თანაგუნდელებთან ერთად. შემდეგ კი ზეიმი ქალაქის ქუჩებში გაგრძელდა.
იხილეთ ფოტოგალერეა
