მალხაზ ასათიანი: ფეხბურთზე ლაპარაკიც კი არ მსურს

AutoSharing Option
საქართველოს ნაკრების ყოფილმა ფეხბურთელმა მალხაზ ასათიანმა ინტერვიუ rsport.ru-ს მისცა. ინტერვიუ დიდია, იქიდან მხოლოდ ქართველი მკითხველისთვის საინტერესო მომენტები ამოვიღეთ.

- რას საქმიანობთ ახლა?
- ვისვენებ.

- კი მაგრამ, ამდენი ხანი?
- ჩათვალეთ, რომ 2010 წლიდან ვისვენებ, რაც კარიერა დავასრულე. არაფრით ვარ დაკავებული, ვცხოვრობ ჩემთვის საქართველოში, დავდივარ ზღვაზე და სურამში.

- ფეხბურთთან რა გაკავშირებთ?
- ფეხბურთთან? არაფერი, ხომ გითხარით, ვისვენებ.

- ნუთუ ასეთი რთული იყო თქვენთვის ფეხბურთში ყოფნა, რომ ტრანსლაციებსაც არ უყურებთ?
- რთული იყო. "ლოკომოტივსა" და კიევის "დინამოში" თამაში მუდმივად ქვეყნის
ჩემპიონობისთვის ბრძოლაა, ბრძოლა ევროთასებისთვის, ყოველი მარცხი ძალიან მწარე გაკვეთილია. ფეხბურთი მიყვარს, მაგრამ კარიერის განმავლობაში მას სულ დაძაბული ვყავდი. ახლა ხანდახან მოყვარულებთან ერთად ბურთს ვაგორებ, მაგრამ ეს კარგია, ეს განტვირთვის მიზნით - აი, სერიოზულ ფეხბურთზე კი ლაპარაკიც კი არ მსურს.

- გული არ გწყდებათ, რომ ადრე დაანებეთ ფეხბურთს თავი?
- მე მაშინ წავედი, როცა ამისთვის ჯერ მზად არ ვიყავი. იმედი მქონდა, რომ კიევის "დინამოს" შემდეგ კიდევ ვიპოვიდი საჩემო ვარიანტს. გუნდებს იოლად ვერ ვიცვლიდი და გარემოს გამოცვლა ჩემთვის ძალიან ძნელი იყო. მერე კი დრო უცბად გავიდა. აი, ასე აღმოვჩნდი ფეხბურთის გარეშე.

- არ გაქვთ იმის შეგრძნება, რომ კარიერაში ბოლო სიტყვა არ გითქვამთ?
- და იქნებ არც მითქვამს? შეიძლება მწვრთნელის როლში, მაგრამ კონკრეტულს ვერ ვიტყვი ვერაფერს. გეგმებიც არა მაქვს. ყველაფერი ხომ ჩვენზეა დამოკიდებული, ახლა კი, უბრალოდ, საქართველოში ცხოვრებით ვტკბები.

შეგახსენებთ, რომ მალხაზ ასათიანი ახლა 34 წლისაა. მან 29 წლის ასაკში დაანება ფეხბურთს თავი, კარიერა კი მხოლოდ სამ კლუბში გაატარა: ქუთაისის "ტორპედოში", მოსკოვის "ლოკომოტივსა" და კიევის "დინამოში".
მკითხველის კომენტარები / 6 /
დროზე უნდა დალაგდეს საქართველო და შემდეგ, აუცილებლად დაუბრუნდეს ფეხბურთს!
Gela
16:19 05-08-2015
0
დროზე უნდა დალაგდეს საქართველო და შემდეგ, აუცილებლად დაუბრუნდეს ფეხბურთს!
shoniagela@gmail.com
16:14 05-08-2015
0

ასევე დაგაინტერესებთ
სიახლეები პოპულარული