საქართველოს ახალგაზრდული ნაკრებისა და იტალიური "ემპოლის" 20 წლის ფორვარდმა რომან ჭანტურიამ, რომელიც გუშინ, 20 აპრილს, "ემპოლის" პირველი გუნდის განაცხადში პირველად მოხვდა, კომენტარი Sportall.ge-სთან გააკეთა.- ჯანლუკა დი მარციო: რომან ჭანტურიას ეს დღე დიდხანს ემახსოვრება
შეგახსენებთ, რომ 20 აპრილს, იტალიის სერია A-ს 34-ე ტურში "ემპოლიმ" "ვერონას" უმასპინძლა და მინიმალური ანგარიშით დაამარცხა - 1:0.
"მართალია, არ მითამაშია, მაგრამ 20 წლის ბიჭისთვის სერია A-ს გუნდის განაცხადში მოხვედრა, მით უმეტეს, იმ თამაშზე, რომელიც ბევრს ნიშნავს კლუბისთვის, გასახარია და, რა თქმა უნდა - დიდი მოტივაციაა.
პირველ გუნდთან ერთად დიდი ხანია ვვარჯიშობ და დებიუტი სეზონის ბოლომდე აუცილებლად მექნება! ადაპტაცია უკვე გავლილი მაქვს, რაშიც ძალიან დამეხმარა ლევან მჭედლიძე", - გვითხრა ჭანტურიამ.
![გოგლიჩიძე დაბრუნდა და ტრავმა მიიღო - "ემპოლიმ" "ლეჩესთან" გამარჯვება ხელიდან გაუშვა [VIDEO]](/pictures/image7/0963638cf025c81125232fc6d614dd1e.jpeg "გოგლიჩიძე დაბრუნდა და ტრავმა მიიღო - \"ემპოლიმ\" \"ლეჩესთან\" გამარჯვება ხელიდან გაუშვა [VIDEO]")
წარმატებები!