სერია A-ს 35-ე ტურის წინ "ემპოლის" თავკაცმა მარკო ჯამპაოლომ თქვა, რომ უკანასკნელ 4 ტურში თავის გამოჩენის შანსს მისცემდა ლევან მჭედლიძეს, რომელსაც სასტარტოში თამაში გარანტირებული ჰქონდა. "კარპისთან" საგარეო მატჩში ლევანი მართლაც სასტარტოში ვიხილეთ, მაგრამ შეხვედრის 25-ე წუთზე მან მეტოქეს იდაყვი სახეში მოარტყა და მსაჯისგან პირდაპირ წითელი ბარათი მიიღო.
მჭედლიძეს "კარპის" თავკაცი კასტორი გამოენთო და მსაჯმა ისიც გააძევა. ქართველი ფორვარდი ავტომატურად გამოტოვებს შემდგომ მატჩს. თუმცა დიდია საფრთხე, რომ მჭედლიძეს 1-მატჩიანი დისკვალიფიკაცია არ აკმარონ.
"ემპოლის" თავკაცმა ქართველ ფორვარდს თავის გამოჩენის შესანიშნავი შანსი მისცა.
განაცხადში არ ყოფილა "ემპოლის" მეორე ქართველი რომან ჭანტურია, რომელსაც თავად ეიმედებოდა, რომ სათადარიგოთა სკამზე მოხვდებოდა.
იხილეთ ვიდეო
![Sportall.Ge](/pictures/artimages/image16/081c77b573f362cde75cc51387ebd52f.jpg "ლევან მჭედლიძემ "ემპოლის" მწვრთნელის მიერ მოცემული შანსი ქარს გაატანა [VIDEO]")
![ავტოგრაფი ლევან მჭედლიძისგან [VIDEO]](/pictures/image7/2c915646175cf33f2d906044ad9cd496.jpg "ავტოგრაფი ლევან მჭედლიძისგან [VIDEO]")
