თანამეგობრობის თასის მომგებ ბაქოს "ინტერს" აზერბაიჯანის პრეზიდენტმა ილჰამ ალიევმა უმასპინძლა და გუნდის ხელმძღვანელობას, სამწვრთნელო შტაბსა და ფეხბურთელებს ეს გამარჯვება მიულოცა. ალიევმა მოგებული ტიტულითა და განსაკუთრებით ტურნირის მეოთხედფინალში სომხური "მიკას" დამარცხებით კმაყოფილება აქამდეც გამოხატა, ინტერელებთან შეხვედრისას კი კიდევ ერთხელ გაუსვა ხაზი ამ გამარჯვების მნიშვნელობას.თავის მხრივ, "ინტერის" პრეზიდენტმა გიორგი ნიკოლოვმა და მთავარმა მწვრთნელმა კახა ცხადაძემ პრეზიდენტს მორალური თანადგომისთვის მადლობა გადაუხადეს.
შეგახსენებთ, "ინტერს" ცხადაძესთან ერთად გიორგი ჩიხრაძე წვრთნის, გუნდში კი ექვსი ქართველი თამაშობს - გიორგი ლომაია, ილია კანდელაკი, ვალერი აბრამიძე, დავით ოდიკაძე,
აქვე იმასაც გეტყვით, რომ რუსული "სპორტ-ექსპრესის" ტრადიციულ გამოკითხვაში, რომელიც პოსტსაბჭოური ქვეყნების საუკეთესო ფეხბურთელის გამოვლენას ისახავს მიზნად, იანვრის რეიტინგში ლომაია 23 ქულით მე-6 ადგილზეა, გამოკითხვას კი 57 ქულით მიუნხენის "ბაიერნის" უკრაინელი ნახევარმცველი ანატოლი ტიმოშჩუკი ლიდერობს.
