ალექსანდრე ამისულაშვილის მოულოდნელი ტრანსფერი ბოლო დღეების ერთ-ერთი ყველაზე მნიშვნელოვანი საფეხბურთო მოვლენაა და ამიტომაც გუშინ იმის გარკვევა ვცადეთ, თუ რატომ გადაწყვიტა საქართველოს ნაკრების მცველმა "ქაისერისფორიდან" კრასნოდარის "კრასნოდარში" გადასვლა.ჩვენს ხელთ არსებული სარწმუნო ინფორმაციით, "ქაისერის" თავკაცი შოთა არველაძე ამისულაშვილს სეზონის მსველობისას აფრთხილებდა, რომ თუ წასვლას მოინდომებდა, საქმის კურსში დროულად ჩაეყენებინა, რათა კლუბს მისი შემცვლელის პოვნა მოესწრო. ამის მიუხედავად, არველაძემ და კლუბის ხელმძღვანელობამ მისი წასვლის შესახებ სულ ბოლო მომენტში შეიტყვეს.
ამისულაშვილს თურქეთში ხელფასი საგრძნობლად კი გაუზარდეს, მაგრამ "კრასნოდარის" მიერ შეთავაზებული პირობები გაცილებით ხელსაყრელი
ამისულაშვილმა "ქაისერიდან" წასვლა კონტრაქტში ჩადებული ერთი პუნქტის წყალობით შეძლო: თურქული კლუბი ქართველს იმ შემთხვევაში არ დააბრკოლებდა, თუ მის სანაცვლოდ მინიმუმ 3 მილიონ ევროს გადაიხდინენ.
შევეცდებით, ამ ამბის ახალ დეტალებზე "ლელოს" უახლოეს ნომრებში კიდევ გიამბოთ.
.
