თბილისის "დინამოს" აწ უკვე ყოფილი ფორვარდი გიორგი ქვილითაია კარიერას ვენის "რაპიდში" გააგრძელებს.აღნიშნული ინფორმაცია ვენის "რაპიდის" ოფიციალურმა ვებ-გვერდმა დაადასტურა.
საქართველოს ნაკრების 21 წლის თავდამსხმელმა წარმატებით გაიარა სამედიცინო შემოწმება და ავსტრიულ კლუბთან 4-წლიანი კონტრაქტი გააფორმა. მედიას ქვილითაია "რაპიდის" სპორტულმა დირექტორმა ანდრეას მიულერმა წარუდგინა.
ოფიციალურად არ გახმაურებულა ტრანსფერის თანხა, არაოფიციალურად კი ავსტრიული მედია მილიონ ევროს ასახელებს.
ქვილითაია 24 გოლით უმაღლესი ლიგის გასულ სეზონში საუკეთესო ბომბარდირი გახდა და თბილისის "დინამოს" გაჩემპიონებაში უდიდესი წვლილი შეიტანა.
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
