27 ოქტომბერს რუსეთის თასის 1/8-ფინალური ეტაპის დარჩენილი შეხვედრები გაიმართება. თორნიკე ოქრიაშვილის "კრასნოდარი" "ორენბურგს" უმასპინძლებს.საქართველოს ნაკრების ფეხბურთელმა მოახლოებულ შეხვედრაზე კლუბის პრესსამსახურთან ისაუბრა.
"აუცილებლად უნდა გავიმარჯვოთ. თასზე ძალიან გაგვიმართლა - მოსკოვის "სპარტაკი" და ცსკა ტურნირს უკვე გამოეთიშნენ, ასე რომ ფინალში უნდა გავიდეთ და თასი მოვიგოთ.
საერთოდ, შეხვედრებს ერთმანეთისგან არ ვარჩევთ - ყველა მატჩში მოედანზე მოსაგებად გავდივართ. მით უმეტეს, "ორენბურგს" საკუთარ მოედანზე ჩვენი გულშემატკივრის წინაშე ვეთამაშებით. ვალდებულნი ვართ, 1/4-ფინალში გავიდეთ", - განაცხადა ოქრიაშვილმა.
!["ყოვლად მიუღებელია ის რეალობა, რაც ჩვენს ქვეყანაში ხდება!" - თორნიკე ოქრიაშვილი [PHOTO]](/pictures/image7/1a6dc19ac265c418c24fb4d87d98d6f9.png "\"ყოვლად მიუღებელია ის რეალობა, რაც ჩვენს ქვეყანაში ხდება!\" - თორნიკე ოქრიაშვილი [PHOTO]")
