საქართველოს ნაკრების ფეხბურთელი ვაკო ყაზაიშვილი, რომელიც იჯარის წესით ვარშავის "ლეგიაში" იმყოფება, შესაძლოა, არნემის "ვიტესში" იანვარშივე დაბრუნდეს.პოლონური futbolfejs.pl-ს ინფორმაციით, რამდენიმე დღეში "ლეგიას" მთავარი მწვრთნელი იაცეკ მაგიერა კლუბის ხელმძღვანელობას უნდა შეხვდეს და რამდენიმე ფეხბურთელის მომავალზე ისაუბროს.
ერთ-ერთი სწორედ ყაზაიშვილია, რომელსაც პოლონურ გუნდში სათამაშო დრო არ ეძლევა. წყაროს ცნობით, ალბათობა იმისა, რომ ვაკო იანვარში არნემში დაბრუნდება, დიდია.
შეგახსენებთ, რომ "ლეგიამ" ყაზაიშვილი "ვიტესიდან" იჯარის წესით სეზონის ბოლომდე აიყვანა.
![ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]](/pictures/image7/ee330124588ac529496941a9f620742c.jpg "ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]")
