მოსკოვის "სპარტაკის" გულშემატკივართა გამოკითხვის შედეგად ამ გუნდში თებერვლის საუკეთესო ფეხბურთელად ჯანო ანანიძე დასახელდა. შეგახსენებთ, ევროპის ლიგის მეთექვსმეტედფინალში ახალგაზრდა ქართველმა შვეიცარიული "ბაზელის" კარში გადამწყვეტი და ეფექტური გოლი გაიტანა, რითაც გუნდის ძირითად შემადგენლობაში დამკვიდრებისკენ დიდი ნაბიჯი გადადგა.
ცნობისათვის, გამოკითხვაში მეორე ადგილზე "სპარტაკის" შოტლანდიელი ნახევარმცველი ეიდენ მაკგიდი გავიდა, მესამეზე კი - ბრაზილიელი შუახაზელი ალექსი.
აქვე იმასაც გეტყვით, რომ ანანიძე "სპარტაკის" ღირსებას ამიერიდან არა 27, არამედ 12-ნომრიანი მაისურით დაიცავს.
.
