ლეგენდარულმა პორტუგალიელმა ფეხბურთელმა ლუიშ ფიგუმ შოთა არველაძე საქველმოქმედო მატჩში სათამაშოდ მიიწვია, რომელიც 14 ივნისს ბულგარეთის დედაქალაქ სოფიაში გაიმართება. შოთა არველაძის "ფეისბუქის" ოფიციალურმა გვერდმა "ბარსელონას", "რეალისა" და მილანის "ინტერის" ვარსკვლავის წერილი გაავრცელა:
"ძვირფასო შოთა! მაქვს პატივი, მოგიწვიო სოფიაში გასამართავ საქველმოქმედო მატჩში სათამაშოდ, რომელშიც ლუიშ ფიგუს ფონდის გუნდი დიმიტარ ბერბატოვის ფონდის გუნდს შეხვდება. შეხვედრის შემოსავალი კი ქველმოქმედებას, ნიჭიერი ბავშვების განათლებას მოხმარდება.
ჩვენი მეგობრული ურთიერთობიდან გამომდინარე, ვიმედოვნებ, რომ სოფიაში გნახავ", - წერია ფიგუს წერილში.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
