საფეხბურთო კლუბმა "სამტრედიამ" ახალი ფეხბურთელი დაიმატა. ამის შესახებ ინფორმაციას კლუბის ოფიციალური ვებგვერდი ავრცელებს."სამტრედიის" ახალი ფეხბურთელი 25 წლის კოტდივუარელი თავდამსხმელი ინტერს გუია, რომელიც ქართულ კლუბში პორტუგალიური "გიმარაეშიდან" გადავიდა. გუი ახალ კლუბს თავისუფალი აგენტის სტატუსით შეუერთდა.
საიტის ცნობით, თავდამსხმელი "სამტრედიას" ჩემპიონთა ლიგის მე-2 საკვალიფიკაციო ეტაპზეც დაეხმარება. გუის "სამტრედიის" რიგებში ხილვა განმეორებით მატჩზე, 18 ივლისს იქნება შესაძლებელი.
ინტერს გუი "გიმარაეში" 2014 წლიდან თამაშობდა. აქედან გარკვეული პერიოდი "გიმარაეშის" B გუნდში ასპარეზობდა, სადაც 29 მატჩში 3 გოლი გაიტანა, ხოლო მთავარ გუნდში სულ 13-ჯერ ითამაშა,
2014-დან 2017 წლამდე გუი ორჯერ იყო გაშვებული იჯარით. პირველად ის პორტუგალიურ "აკადემიკაში" იყო, სადაც 6 შეხვედრა ჩაატარა უგოლოდ, ხოლო შემდეგ შვეიცარიულ "ჩიასოში" 14 მატჩში 5 გოლი გაიტანა.
სააგენტო transfermarkt-ის ინფორმაციით, გუის სატრანსფერო ფასი 300 ათასი ევროა.
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "გაგრა" - "სამტრედია" [LIVE]](/pictures/image7/4b0083628fe670ca04775c10fe11f679.jpg "ეროვნული ლიგა. XXXI ტური. \"გაგრა\" - \"სამტრედია\" [LIVE]")
