ქართველი მწვრთნელები სხვადასხვა უცხოურ სემინარებს ცოდნისა და გამოცდილების გასაღრმავებლად სისტემატურად ესწრებიან. მალე (29 მარტი-2 აპრილი) მორიგი ამგვარი ვიზიტი ელით. უეფას მიერ ორგანიზებული პროგრამის, study group scheme-ის ფარგლებში კოვერჩანოში მდებარე იტალიის ნაკრების ბაზას გაიოზ დარსაძის ხელმძღვანელობით ქართველ სპეციალისტთა 11-კაციანი დელეგაცია ეწვევა. ამ მწვრთნელთა უმრავლესობა ბავშვთა ფეხბურთში საქმიანობს. კოვერჩანიში გაემგზავრებიან საქართველოს 16 და 14-წლამდელთა ნაკრებების მთავარი მწვრთნელებიც - გელა შეყილაძე და გოჩა ტყებუჩავა. სემინარის თემაც ამ კონტინგენტის შესაფერისი იქნება - განიხილავენ “გრასრუტსის” პროგრამას, რომელიც ბავშვთა ფეხბურთს ეძღვნება.
იტალიაში ქართველებთან ერთად სომეხი და
ქართველი მწვრთნელების კოვერჩანოში მივლინების თაოსანი საქართველოს ფეხბურთის ფედერაციაა, უეფა კი გზისა და ცხოვრების ხარჯს გაიღებს.
