"ზესტაფონის" შესანიშნავმა თამაშმა და სოლიდურმა გამარჯვებამ ყველა გაგვახარა, მაგრამ, სამწუხაროდ, ზესტაფონში მაინც მოხდა ისეთი ფაქტი, რამაც ხასიათი ძალიან გაგვიფუჭა. "ზესტაფონს" ჩემპიონთა ლიგის მესამე საკვალიფიკაციო ეტაპამდე ბევრი აღარაფერი აშორებს, მაგრამ მიმდინარე ევროსეზონში შინ, "დავით აბაშიძეზე" ვეღარ ითამაშებს.უეფამ ეს ვერდიქტი გუშინ გამოიტანა "ზესტაფონი"-"დაჩიას" მატჩის დელეგატის, ბულგარელი ანდრეი მედინცევის პატაკის საფუძველზე. მას სტადიონის მესერზე გადამძვრალი უბილეთო ქომაგები დაუნახავს, ისიც შეუნიშნავს, რომ ამ ფაქტის შემყურე პოლიციელები ურეაქციოდ იდგნენ და ყველაფერი ფოტოაპარატით დაუფიქსირებია.
მეტისმეტად გულსატკენი ამბავია - პატარა ქალაქი, რომელიც ფეხბურთით ცხოვრობს, მავანთა უთავბოლობისა
შეგახსენებთ, მომავალ ხუთშაბათს "გაგრა" "ანორთოსისს" ზესტაფონში უმასპინძლებს და ამას ვერაფერი შეცვლის. ამ ბარიერის გადალახვის შემთხვევაში კი "გაგრას" ისედაც დედაქალაქში უნდა ეთამაშა.
ყოველდღიური სპორტული გაზეთი "ლელო"
