მერაბ ჟორდანიას ევროპული ფეხბურთის მამებში იმხელა ავტორიტეტი აღმოაჩნდა, რომ მისით ~ჩელსის" მეპატრონე რომან აბრამოვიჩი დაინტერესდა, ახლახანს კი ~ვიტესი" ოფიციალურად შეიძინა - გუნდის აქციების მხოლოდ ნაწილი თუ მთლიანად კლუბი, ამ ინფორმაციას არ ვფლობთ.
მოკლედ მოგახსენებთ ინფორმაციას, რომელიც ჟორდანიას წრეში გაგვიმხილეს: მალე ამსტერდამში გაემგზავრება არა მხოლოდ მერაბ ჟორდანია, არამედ ქართული
მალაზონია ამჟამად ფიფა აგენტია, ლერი სულაბერიძე კი ფეხბურთს ჩამოშორდა, მაგრამ მას ბევრი საინტერესო პროექტი უკავშირდება. მაგალითად, პროფესიული ფეხბურთის ლიგის ჩამოყალიბება, რომელიც მისი, რევაზ არველაძისა და დიმიტრი რამიშვილის პროექტი გახლდათ. 2008 წელს ეროვნულ ჩემპიონატში მაყურებელთა რაოდენობის გაზრდის მიზნით, სკოლებთან პარტნიორობის მონახაზიც ჰქონდა და განხორციელებას იწყებოდა, მაგრამ რუსეთთან ომის შემდეგ ვითარება აირია და ეს მშვენიერი ჩანაფიქრი ვერ განხორციელდა.
ამ ხალხის მისამართით თავის დროზე ბევრი პრეტენზია გაჩნდა, მაგრამ დრომ გამოაჩინა, რომ მათ ისეთი თბილისის `დინამო~ ჩამოაყალიბეს, რომელსაც საქართველოში კონკურენტი არ ჰყავდა, ეროვნულ და სხვა ნაკრებებს კი გუნდი მუდამ ხარისხიანი ფეხბურთელებით ამარაგებდა. მართალია, ~ოცნების გუნდი" ოცნებადვე დარჩა და ~დინამოს" ვარსკვლავები არ მოუწყვეტია, მის გარშემო კი უამრავი სკანდალი აგორდა და გაუთავებელი სასამართლო გარჩევები მიმდინარეობდა. თუმცა, დღეს იმ დონის კლუბიც სანატრელია და ეს ისეთი ფაქტია, რომელსაც ვერავინ გაექცევა – გადახედეთ დღევანდელ კლუბებს, რომელია მსგავსი კლასის მოთამაშეებით დაკომპლექტებული?
ისიც არავინ იცის, კლუბის ხელმძღვანელებზე გავრცელებული ხმებიდან რა იყო მართალი და რა - შეგნებულად გავრცელებული ჭორი. დრომ გამოაჩინა, რომ 14 წლის წინ, მათ წინააღმდეგ წამოწყებული ბრძოლა ~დინამოს" ხელში ჩაგდებას ემსახურებოდა და კარგად დაგეგმილი შავი პიარი მიმდინარეობდა.
... მერაბ ჟორდანია `ვიტესის~ ან პრეზიდენტი, ან მმართველი დირექტორი გახდება, მალაზონია და სულაბერიძე კი - `ვიტესის~ დირექტორატის წევრები. ასე რომ, `ვიტესი~ ქართული მმართველობის ხელში ხვდება. კლუბის ამჟამინდელი პრეზიდენტი ქართულ სამეულთან ერთად, პრესკონფერენციას გამართავს და ჰოლანდიას აცნობებს, რომ კლუბში გარიგების შედეგად, კლუბში ახალი მმართველები მივიდნენ. შესაძლოა, ჰოლანდიის ჩემპიონატის მეორე ტურში, 14 აგვისტოს ~აიაქსთან" მატჩამდე კლუბის ვიპ-ლოჟაში ქართველები ოფიციალური სტატუსით გამოჩდნენ.
ჰოლანდიის ჩემპიონატის პირველ ტურში კი `ვიტესმა~ ~დენ ჰააგი" 3:1 დაამარცხა და მატჩს მერაბ ჟორდანია დაესწრო, სულაბერიძე და მალაზონია კი ჰოლანდიაში დღეს გაემგზავრებიან.
ჯერჯერობით, კლუბში ქართველი ფეხბურთელები არ არიან, მაგრამ ზამთრის სატრანსფერო პერიოდში საინტერესო ტრანსფერებს უნდა ველოდოთ.
ინფორმაციის გადასამოწმებლად სანდო წყაროს დავუკავშირდით, რომელმაც კლუბის დირექტორატში ქართველების მიწვევის ფაქტი დაგვიდასტურა.
~კლუბის ახალ მმართველ სამეულს ჰოლანდიაში 14 აგვისტოს, `აიაქსთან~ მატჩის შემდეგ ოფიციალურად წარადგენენ და შემდეგ არავინ არაფერს არ დამალავს. მანამდე კი განცხადებებსა და კომენტარებს ერიდებიან. თუმცა, ისედაც ცხადია, რომ ეს ყველაფერი ქართულ ფეხბურთის სამსახურისთვის კეთდება და იქნებ, ჩვენს ფეხბურთს დაეხმარონ. ბუნებრივია, `ვიტესი~ მათთვის მნიშვნელოვანი კლუბი გახდა, მაგრამ მთავარი მაინც საქართველოა. ყოველწლიურად უკან-უკან მივდივართ და იქნებ დახმარების ფორმა გამონახონ. ფაქტია, რომ ქართულ ფეხბურთს შველა სჭირდება. როდესაც თბილისის `დინამო~ აიყვანეს, პატარა ბიჭები იყნენ, შეცდომებიც დაუშვეს, მაგრამ თავისით გაიკვლიეს გზა. თავადაც გახსოვთ, რამხელა ზეწოლა იყო მათზე, ბოლო სამი წლის განმავლობაში, ლამის ყოველდღე პრობლემას უქმნიდნენ, მაგრამ `დინამოს~ სახელი მეტ-ნაკლებად მაინც შეინარჩუნეს და მინიმალურ ზღვარს ქვემოთ არ ჩამოსულან. მას შემდეგ დრო გავიდა და ალბათ, ხალხმაც დაინახა, რომ იმ `დინამოს~ დონის კლუბი ახლა სანატრელია. ახლა ბევრად გამოცდილები არიან, ბევრი ისწავლეს, შეცდომები გაითვალისწინეს და ევროპაში კარგი კავშირები აქვთ. ამ გამოცდილებით `ვიტესში~ ბევრი რამის გაკეთებაა შესაძლებელი.
ქართველი ფეხბურთელის ჩაყვანას რაც შეეხება, ჰოლანდიაში სატრანსფერო ფანჯარა 31 აგვისტოს იხურება, მანამდე კი პრობლემატურ პოზიციებზე მოთამაშეთა ძიება მიმდინარეობს და ბუნებრივია, უპირატესობას ქართველ ფეხბურთელებს მიანიჭებენ. თუმცა, ჯერ კონკრეტული არაფერია გადაწყვეტილი.
ჟორდანიამ და მისმა თანამოაზრეებმა კლუბის განვითარების კონკრეტული გეგმა შეიმუშავეს და ის ჰოლანდიელებს მოეწონათ~.
გუშინ საინტერესო ამბავი გავრცელდა: რომან აბრამოვიჩი ჰოლანდიაში კიდევ ერთი კლუბით დაინტერესდა. ესტონური მედიის ინფორმაციით, ლონდონის ~ჩელსის" მეპატრონეს ჰოლანდიური ~ნეიმეგენის" ყიდვაც გადაუწყვეტია. ყველა საინტერესო ის გახლავთ, რომ აბრამოვიჩსა და ~ნეიმეგენს~ შორის მოლაპარაკებებში შუამავალი ყოფილი საფეხბურთო აგენტი და ესტონეთის საფეხბურთო კავშირის ამჟამინდელი პრეზიდენტი აივარ პოლაკია - მერაბ ჟორდანიას დიდი ხნის მეგობარი და პარტნიორი. სხვათაშორის, პოლაკის მონაწილეობით მრავალი ქართველი ფეხბურთელის ტრანსფერი განხორციელებულა.
მერაბ ჟორდანია კი რამდენიმე დღის წინ ლატვიიის საკურორტო ქალაქ იურმალაში ნახეს, სადაც სანაპიროზე აბრამოვიჩის იახტიდან რამდენიმე ადამიანთან ერთად გადავიდა და პლაჟის ფეხბურთით გაერთო.
ყოველდღიური სპორტული გაზეთი "ლელო"
