უეფაში უკვე მიხვდნენ, რომ ადამიანური შეცდომებისა თუ მანკიერების აღმოსაფხვრელად ვიდეორეფერი აუცილებელი იყო. ფიფა თავს იკავებდა და ამას ასაბუთებდა იმ მოსაზრებით, რომ ფეხბურთი ადამიანურ შეცდომებს ეყრდნობოდა. არადა, გამარჯვებულის სამართლიან გამოვლენას "მსაჯის შეხედულება" ხშირად ხელს უშლიდა.
ვიდეორეფერის მოწინააღმდეგეთა არგუმენტები მეტად მწირი და გაუგებარია და ყველა ხვდება, რომ მსაჯ
ერთი თვის წინ ვწერდით, რომ მსოფლიოში წამოწყებული დისკუსიას შესაძლოა, წერტილი საქართველოში დაესვას და პირველი ვიდეომსაჯი საქართველოს ჩემპიონატში დაინერგოსო.
ეს გაზეთ "ლელოსთან" ინტერვიუში ფეხბურთის ფედერაციის პრეზიდენტმა ზვიად სიჭინავამ განაცხადა: "ამ საკითხზე მოლაპარაკება ფიფა-უეფასთან დავიწყეთ და ჩვენი დიდი სურვილია, ვიყოთ პირველი ქვეყანა არა მხოლოდ ევროპაში, არამედ, მთელ მსოფლიოშიც, სადაც ექსპერიმენტის სახით, ვიდეორეფერი დაინერგება".
უეფას პრეზიდენტ მიშელ პლატინის თბილისური ვიზიტის შემდეგ, სიჭინავას კითხვა ამის თაობაზეც დავუსვით – გვაძლევს თუ არა უეფა იმ ექსპერიმენტის ჩატარების უფლებას, რომელიც ჩვენი ფედერაციის ინიციატივა იყო?
~ეს პროექტი გამოირიცხა, უფლებას არ გვაძლევენ", - მოკლე და ლაკონური პასუხით ყველაფერი ცხადი გახდა. უეფა დამატებითი არბიტრების შემოღების მომხრეა და არა ვიდეოთვალის. კარგად რომ დავუკვირდეთ, ჩვენი ფედერაციისა და უეფას წინადადებები ერთმანეთთან წინააღმდეგობაშია. ჩვენებს ვიდეოთვალი სურთ, უეფას კი დამატებითი არბიტრები, ანუ ტექნიკის გამოყენებასაც ისინიც ეწინააღმდეგებიან.
არადა, სამწუხაროა – ვიდეორეფერის საქართველოში გამოყენება მნიშვნელოვანი მოვლენა გახდებოდა არა მხოლოდ ქართული, არამედ მსოფლიო ფეხბურთისთვისაც.
ყოველდღიური სპორტული გაზეთი "ლელო"
