- საქართველოს ფეხბურთის ფედერაციაში კახა კალაძის გამოსათხოვარი მატჩის ჩატარება ამ დროისთვის არ განიხილება. - განუცხადა გუშინ ახალი ამბების სააგენტო "ჯი-ეიჩ-ენს" საქართველოს ფეხბურთის ფედერაციის პრესსპიკერმა თათია ბურდულმა. მისი თქმით, ამ საკითხთან დაკავშირებით სფფ-ში ლაპარაკიც არ ყოფილა.
"ჯი-ეიჩ-ენი" დაუკავშირდა საქართველოს ფეხბურთის ფედერაციის გენერალურ მდივან რევაზ არველაძესაც.
არველაძის თქმით, მატჩის ჩატარებას ფედერაცია ცალმხრივად ვერ გადაწყვეტს და ეს თავად კალაძესთან შეთანხმებით უნდა მოხდეს. კითხვა - "არის თუ არა ფედერაციაში მატჩის ჩატარების სურვილი?" - პასუხგაუცემელი დარჩა.
კახა კალაძის პრესმდივანი ოთარ ჩრდილელი კი ფედერაციას არ ურჩევს
"ზოგადად, ფედერაციას ვურჩევდი, გულშემატკივრის პოზიციას ძალიან ნუ დაუპირისპირდება", - განაცხადა "ჯი-ეიჩ-ენთან" საუბრისას ჩრდილელმა.
შეგახსენებთ, რომ ნაკრებიდან წასვლის თაობაზე კახა კალაძემ "ქართული ოცნების" პრეზენტაციაზე სიტყვით გამოსვლისას განაცხადა.
კალაძემ ეროვნულ ნაკრებში 83 მატჩი ჩაატარა და 1 გოლი გაიტანა.
ყოველდღიური სპორტული გაზეთი "ლელო"
