ქუთაისის "ტორპედო" თურქეთში, ანთალიაში აგრძელებს სეზონის განახლებისთვის მზადებას. რიონისპირელებს იქ პირველი ამხანაგური მატჩი 25 იანვარს უნგრულ "ფერენცვაროშთან" უნდა ეთამაშათ, მაგრამ განრიგში ცვლილების გაკეთება მოუწევთ - უნგრელების ნაცვლად რუმინულ "ბრაშოვს" გაეჯიბრებიან.ვლადივოსტოკის "ლუჩ-ენერგია" და ზაქათალის "სიმურგი" - ანთალიაში სხვათა გარდა ეს გუნდებიც ემზადებიან და შესაძლოა, "ტორპედომ" რომელიმე მათგანთანაც ითამაშოს.
შეგახსენებთ, რომ გეგმის მიხედვით "ტორპედო" 28 იანვარს პოლონურ "კორონას" უნდა შეხვდეს, 1 თებერვალს კი - ჩეხურ "ბანიკს".
ყოველდღიური სპორტული გაზეთი "ლელო"
