"ევრო 2020"-ის მასპინძლობასთან დაკავშირებით, საქართველოს და აზერბაიჯანის ფეხბურთის ფედერაციების გადაწყვეტილება, სავარაუდოდ, 15 მაისს გახდება ცნობილი. ამის შესახებ "ინტერპრესნიუსს" საქართველოს ფეხბურთის ფედერაციის პრესსპიკერმა ოთარ გიორგაძემ განუცხადა.
ევროპის 2020 წლის ჩემპიონატის მასპინძლობის მსურველთა მხრიდან UEFA-ში განაცხადების შეტანის ვადა 15 მაისს იწურება.
ამ დროისთვის "ევრო 2020"-ის მასპინძლობის შესახებ UEFA-ში ოფიციალური განაცხადი მხოლოდ თურქეთს აქვს შეტანილი, რომელიც ტურნირის მასპინძლობის მთავარი პრეტენდენტია.
საქართველოსა და აზერბაიჯანის მიერ ევროპის ჩემპიონატის ერთობლივად მასპინძლობის ინიციატივით, საქართველოს პრეზიდენტი მიხეილ სააკაშვილი ბაქოში ვიზიტისას გამოვიდა.
რაც შეეხება აზერბაიჯანის
გამოცემა წერდა, რომ აზერბაიჯანი 2020 წლის ოლიმპიადის განაცხადზეა ფოკუსირებული და ამ პირობებში, პარალელურად საფეხბურთო მიმართულებით მუშაობა არასწორი იქნება.
"ინტერპრესნიუსი"
