ვინ ითამაშებს ახალი სეზონიდან მამა-შვილი უჰრინების გუნდში, ამას თბილისური კლუბის ხელმძღვანელობა ჯერ არ ახმოვანებს. ხოლო ლაპარაკი ფეხბურთელთა საკმაოდ მრავალრიცხოვანი ჯგუფის გაშვებაზე ჯერჯერობით არ დასტურდება.ოფიციალური კომენტარი მხოლოდ ირჟი ჰომოლაზე გაკეთდა. კლუბის პრესსამსახურის ცნობით, თბილისის "დინამო" ჩეხ ლეგიონერს დაემშვიდობა.
32 წლის ცენტრალურ მცველს, რომელსაც ტრავმის გამო გასული სეზონის მეორე ნახევარი გაუცდა, კლუბთან კონტრაქტის ვადა ამოეწურა, ახალი კი არ შეუთავაზებიათ და შეუძლია ახალი კლუბი მოძებნოს.
ჰომოლამ "დინამოში" სადებიუტო შეხვედრა 2011 წლის 13 თებერვალს გამართა, სულ კი "დინამოს" მაისურა 35 შეხვედრაში მოირგო.
ჩვენი
ყოველდღიური სპორტული გაზეთი "ლელო"
