ნიონში, უეფას შტაბბინაში გამართულ ჩემპიონთა ლიგის მეორე საკვალიფიკაციო რაუნდის კენჭისყრის შემდეგ, სადაც საქართველოს ჩემპიონ "ზესტაფონს" აზერბაიჯანის ჩემპიონატის გამარჯვებული, ბაქოს "ნეფთჩი" ხვდა წილად, ქართული კლუბის პრეზიდენტმა ილია კოკაიამ თამამად განაცხადა, რომ ამ წყვილში ფავორიტი მისი გუნდია."წყვილის ფავორიტები ვართ. იმედი მაქვს, რომ "ნეფთჩის" ბარიერს გადავლახავთ, თუმცა ამ გუნდის მთავარი მწვრთნელის, ბეიუკაგი გაჯიევის სიტყვები არ მომეწონა, რომელმაც თქვა, რომ ხელოვნური საფარის მქონე მოედანზე უნდა ვითამაშოთ.
ეს ცუდია ფეხბურთისთვის", - თქვა კოკაიამ "აზერისპორტთან" ინტერვიუში.
ჩემპიონთა ლიგის მეორე საკვალიფიკაციო რაუნდის პირველ მატჩს ბაქო უმასპინძლებს.
ასევე იხილეთ:
ჩემპიონთა ლიგაში "ზესტაფონის" პირველი მეტოქე აზერბაიჯანის ჩემპიონია
ბაქოს "ნეფთჩის" თავკაცი: გაგვიმართლა,"ზესტაფონს" რომ შევხვდით
