"ზესტაფონი" ავსტრიულ შეკრებაზე 26 ივნისს მიემგზავრება. საქართველოს ჩემპიონი იქ ოთხ საკონტროლო მატჩს გამართავს. უცნობი იყო მხოლოდ "ზესტაფონის" სპარინგ-პარტნიორთა სია და ესეც გაირკვა.პირველ შეხვედრას "ზესტაფონი" რუმინულ "ასტრასთან" ჩაატარებს. ეს მატჩი 29 ივნისს გაიმართება და თბილისის დროით 16 საათსა და 30 წუთზე დაიწყება.
მეორე სპარინგ-მატჩს ფეროელები 2 ივლისს ჩაატარებენ და მათი მეტოქე პლოვდივის "ლოკომოტივი" იქნება. აღსანიშნავია, რომ "ზესტაფონი" ამ ბულგარულ კლუბს მეორედ გაეჯიბრება. მათი პირველი მატჩი 2011 წლის დასაწყისში გაიმართა - "მარბელიას თასზე" ქართველებმა 3:0 გაიმარჯვეს.
მესამე ამხანაგურ შეხვედრას "ზესტაფონი" 7
კარგად ნაცნობ ტიროლის მხარეში "ზესტაფონი" კიტცბიუელის ოლქის დაბა ფიბერბრუნში დაბინავდება.
შაბათს კი ზესტაფონის დავით აბაშიძის სახელობის სტადიონზე "ზესტაფონმა" ორმხრივი მატჩი ჩაატარა, რომელსაც საკმაო რაოდენობის მაყურებელი დაესწრო.
"წითლებისა" და "მწვანეების" დაპირისპირება აბაიომი ოვონიკოკოსა და ოთარ კვერნაძის გოლებით "წითლებმა" 2:0 მოიგეს.
"წითლები": რ. კვასხვაძე, ღონღაძე, თედო გრიგალაშვილი, საჯაია, რაჟამაშვილი, დ. მუჯირი, გორგიაშვილი, გუგუჩია, კვერნაძე, ოვონიკოკო.
"მწვანეები": მამალაძე, თორნიკე გრიგალაშვილი, კობახიძე, გაგოშიძე, ელიავა, მენთეშაშვილი, ბაბუნაშვილი, აფციაური, სარდალიშვილი, დვალი.
ორმხრივი თამაში "ზესტაფონის" ფეხბურთელებმა ათკაციანი შემადგენლობებით ჩაატარეს. სხვადასხვა პრობლემის გამო ვერ ითამაშეს ლევან შარიქაძემ, ალექსი ბენაშვილმა და გურამ სამუშიამ, თუმცა ისინი სრული დატვირთვით ვარჯიშს უახლოეს დღეებში განაახლებენ.
როგორც ჩვენთვის გახდა ცნობილი, "ზესტაფონს" ავსტრიულ შეკრებაზე "გაგრას" ცენტრალური მცველი ლაშა კალანდაძე მიჰყვება და მისი საკითხი მოგვიანებით გაირკვევა. გუნდის საწვრთნელი შტაბი ავსტრიაში რამდენიმე ლეგიონერსაც გასინჯავს.
"ზესტაფონი" შეკრებაზე 25-კაციანი შემადგენლობით მიდის:
მეკარეები: როინ კვასხვაძე, ზურაბ მამალაძე, კახაბერ მეშველიანი;
მცველები: ზაალ ელიავა, ედიკ საჯაია, მამუკა კობახიძე, თეიმურაზ ღონღაძე, თორნიკე გრიგალაშვილი, მალხაზ გაგოშიძე, თედო გრიგალაშვილი, ლაშა კალანდაძე;
ნახევარმცველები: ალექსი ბენაშვილი, ზურაბ მენთეშაშვილი, თორნიკე გორგიაშვილი, შოთა ბაბუნაშვილი, თორნიკე აფციაური, ლუკა გუგუჩია, ლევან შარიქაძე, დავით რაჟამაშვილი, გურამ სამუშია, მიხეილ სარდალიშვილი;
თავდამსხმელები: ჯაბა დვალი, იომი ოვონიკოკო, ოთარ კვერნაძე, დავით მუჯირი.
ავსტრიული მეტოქეები გაირკვა (იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
ჩემპიონთა ლიგაში "ზესტაფონის" პირველი მეტოქე აზერბაიჯანის ჩემპიონია
http://sportall.ambebi.ge/fexburti/qarthuli-fekhburthi/skhvadaskhva/34714-chempiontha-ligashi-qzestafonisq-pirveli-metoqe-azerbaijanis-chempionia.html
