თურქულ შეკრებაზე მყოფი "ვიტ ჯორჯია" იქაურ რანგით მეორე ლიგის ბინადარ "რიზესფორს" ამხანაგურად შეხვდა და ფრედ, 0:0 ეთამაშა. თამაში ქალაქის საუკეთესო ბაზის, "ოლუ თერმალის" მინდორზე გაიმართა.
საგოლე შანსები ორივე გუნდს ჰქონდა, თუმცა მიზანს ვერც ქართველებმა მიაღწიეს და ვერც – თურქებმა.
"ვიტ ჯორჯიამ" ასეთი შემადგენლობით ითამაშა: დაუშვილი - ხურცილავა, გოგიაშვილი (46. ტეტუნაშვილი), გეთიაშვილი, ღანიაშვილი (46. ჯავაშვილი) - კასრაძე (46. ზაქრაძე) - გურეშიძე, ვასაძე, ჯანელიძე, კორიფაძე (46. ჯუღელი) - ჩიმაკაძე (46. ლობჯანიძე).
"ვეტერინარები" მომდევნო სპარინგ-მატჩს 27 ივლისს გამართავენ.
ყოველდღიური სპორტული გაზეთი "ლელო"
