ფოთის "კოლხეთი" ურეკშია შეკრებაზე და მორიგი საკონტროლო მატჩი ითამაშა. ამჯერად ფოთელების მეტოქე აზერბაიჯანული "ქიაფაზი" იყო. კოლხებმა განჯელები გრიგოლეთში, ლანჩხუთის "გურიას" ბაზაზე ისტუმრეს და 2:1 მოუგეს. "კოლხეთი" მე-10 წუთზე ჯემალ გაბუნიას გოლით დაწინაურდა. მანვე მე-40 წუთზე ავტოგოლი მიითვალა.
შეხვედრა ფოთელთა უპირატესობით მიმდინარეობდა და საქმე გამარჯვებამდეც მიიყვანეს - 62-ე წუთზე თავი შალვა კვანტალიანმა გამოიჩინა, ვინც "კოლხეთში" "გაგრადან" გადავიდა.
ფოთელებმა ამ შემადგენლობით ითამაშეს: მიქაბერიძე (ბუბუტეიშვილი), გაბუნია, ფარულავა (იობაშვილი), ცხვიტარია, კილასონია (ჩხეტიანი), ცხადაია, მოსიაშვილი (ბარამიძე), კობერიძე (ქორჩილავა), პავლიაშვილი (ბაგაშვილი), წაბრია (ჩალაძე), ღუჭაშვილი (კვანტალიანი).
მომდევნო
(იბეჭდება მცირე ცვლილებით)
ყოველდღიური სპორტული გაზეთი "ლელო"
