თბილისის "დინამო" მომავალი სეზონისთვის მზადებას განაგრძობს. სლოვენიიდან დაბრუნების შემდეგ დიღმის ბაზაზე გუნდმა 31 ივლისს პირველი ვარჯიში ჩაატარა. გუნდში სინჯებზე იმყოფება კოტდივუარელი ფორვარდი - ფრანსის კონე. 21 წლის თავდამსხმელი, რომლის სიმაღლეც 188 სანტიმეტრია, ბოლოს ტაილანდის PTT Rayong- ში ასპარეზობდა.
ფრანსის კონე: "როდესაც ინტერნეტში მოვიძიე მასალა "დინამოს" შესახებ, აღმოვაჩინე, რომ ძალიან მაღალი დონის, ძლიერი და ტრადიციული კლუბია, რომელსაც უამრავი პრესტიჟული ჯილდო აქვს მოპოვებული.
დღეს პირველი ვარჯიში გავმართე. გუნდის წევრებმა ძალიან თბილად მიმიღეს და ეს ჩემთვის დამატებითი სტიმულია. ჩემი მხრივ, შევეცდები, საუკეთესოდ წარმოვაჩინო
აღსანიშნავია, რომ 21 წლის ფორვარდი გარეგნობით იტალიელ ფეხბურთელ, "მანჩესტერ სიტის" თავდამსხმელ მარიო ბალოტელის ჰგავს. იმედია, კოტდივუარელი ბალოტელის არამარტო გარეგნობით, არამედ თამაშითაც დაემსგავსება.
მომზადებულია fcdinamo.ge-ს მიხედვით
