ქუთაისის "ტორპედომ" ახალი კონტრაქტი გაუფორმა ფეხბურთელ ნიკა საბანაძეს. 4-წლიანი ხელშეკრულება 2016 წლის 1 აგვისტომდეა ძალაში.ნიკას დებიუტი ეროვნულ ჩემპიონატში 2010 წლის 23 ოქტომბერს შედგა ("ოლიმპი"-"ტორპედოს" მატჩში - 0:0).
"ტორპედოს" რიგებში 21 წლის ფორვარდმა აქამდე 64 ოფიციალური შეხვედრა გამართა და 13-ჯერ აიღო მეტოქეთა კარი.
"ტორპედოს" მე-8 ნომერი 21-წლამდელთა ეროვნული ნაკრების წევრია.
შეგახსენებთ, რომ ევროპის ლიგის პირველი საკვალიფიკაციო ეტაპის მატჩში, სადაც "ტორპედო" ყაზახურ "აქტობეს" მასპინძლობდა (1:1), საბანაძე გოლით გამოირჩა.
fctorpedo.ge
