"ვიტ ჯორჯიამ" თურქული შეკრება ქვეყნის პირველი ლიგის ბინადარ "ბოლუსფორთან" სპარინგით დაასრულა და 0:0 დაუზავდა. ვეტერინართა ოფიციალური ვებგვერდის ცნობით, შეხვედრა "ბოლუსფორის" საწვრთნელ ბაზაზე, კარაჩიერში ჩატარდა.
მატჩს 2 000-მდე გულშემატკივარი დაესწრო. პირველი ტაიმი თანაბარ ბრძოლაში მიმდინარეობდა, 40-ე წუთზე გიორგი კორიფაძის პასის შემდეგ, ბესიკ ჩიმაკაძეს რეალური საგოლე მომენტი ჰქონდა, მაგრამ ვერ გამოიყენა.
59-ე წუთზე რევაზ ღანიაშვილმა საჯარიმო დარტყმით ბურთი ძელს მოარტყა, 62-ეზე კი ჩიმაკაძემ არაზუსტად დაარტყა. 69-ე წუთზე ხარიხას უკვე "ბოლუსფორის" ფეხბურთელმა მოარტყა ბურთი.
ერთ ეპიზოდში კარგად ითამაშა "ვიტ ჯორჯიას" მეკარე ნიკა დაუშვილმა,
ამით "ვიტ ჯორჯიას" შეკრება დასრულდა. მერაბ კოჭლაშვილის გუნდი თბილისში 3 აგვისტოს გამოემგზავრა.
ბოლუსფორი-ვიტ ჯორჯია 0:0
ვიტ ჯორჯია: დაუშვილი - ხურცილავა, გოგიაშვილი (81. დავლაშელიძე), ტეტუნაშვილი (46. კასრაძე), ღანიაშვილი - გეთიაშვილი, ვასაძე, გურეშიძე - კორიფაძე (61. ზაქრაძე), ჯანელიძე (61. ჯუღელი) - ჩიმაკაძე (61. ლობჯანიძე)
ნულოვანი ფრე მასპინძელთან (იბეჭდება მცირე ცვლილებით)
ყოველდღიური სპორტული გაზეთი "ლელო"
