"დაახლოებით 5 ათასამდე ახალი სკამი დავამონტაჟეთ, კიდევ 8 ათასი ჩვენ მიერ შემუშავებული ტექნოლოგიით მყარად დავამაგრეთ, რომელიც დატვირთვებს კარგად უძლებს. რიგების ნუმერაციაც გავაუმჯობესეთ და მაყურებელი ადგილს ადვილად მიაგნებს. სხვათა შორის, ისრაელის ნაკრებთან მატჩის შემდეგ სკამების მასობრივი დაზიანება თავიდან ავიცილეთ - მაქსიმუმ
საქართველო-მალტის მატჩამდე გულშემატკივრისთვის საინტერესო უნდა იყოს, რა მდგომარეობაშია ეროვნული სტადიონის საფარი. ამის გასაგებად მინდორი საგანგებოდ მოვინახულეთ - ბალახი გაიშვიათებულია და საკმაოდ სუსტად აქვს ფეხი მოკიდებული, მაგრამ ასე იყო თავიდანვე და ახლა მისი გაუმჯობესება თუ მოხერხდება, თორემ იდეალური მაინც ვერ გახდება. 10 დღეა სტადიონის ხელმძღვანელობა მინდორს დღე და ღამე უვლის, თუმცა ყველა აღიარებს, რომ საფარს შეცვლა სჭირდება.
"საფარი ხუთი წლისაა და ბუნებრივია, შელახულია. მისი ხარისხის გაუმჯობესება ჩვენზე მეტად არავის უნდა. კარგია, ყოველ წელს იცვლებოდეს, მაგრამ ეს დიდ თანხებთანაა დაკავშირებული, რაც იოლად არ იშოვება. საკითხი განიხილება და სავარაუდოდ, საფარი შეიცვლება. თუმცა მასზე თამაში ჯერ კიდევ შეიძლება", - გვითხრა სტადიონის დირექტორმა.
ამას გარდა, ჩვენთვის ცნობილი გახდა, რომ შესაძლოა, მალე ეროვნული სტადიონი ახალი მეპატრონის ხელში გადავიდეს. შახოვი ამის თაობაზე არაფერს უწყის. ამჟამად, სტადიონი თბილისის მერიის ბალანსზეა. მერია დაინტერესებულია, ქვეყნის მთავარი სტადიონი კერძო მეპატრონეს გადააბაროს - ამით სახელმწიფოს ხარჯი შეუმცირდება. კულუარებში დაინტერესებულ კომპანიად "ჭიათურმანგანუმს" ასახელებენ, თუმცა საკითხი ჯერ გაურკვეველია და არავინ იცის, როდის გადაწყდება - საქართველოში სპორტული ობიექტების გასხვისება საკმაოდ რთული პროცესია, რასაც "ლოკომოტივის" სტადიონის ბოლო სამი წლის ისტორიაც ადასტურებს.
ყოველდღიური სპორტული გაზეთი
"ლელო"
