ქუთაისის "ტორპედოს" ყოფილმა მეპატრონემ, გია ხურციძემ "ლელოსთვის" მიცემულ ინტერვიუში განაცხადა, რომ კლუბის დასაბრუნებლად სასამართლო პროცესის დაწყებას აპირებდა (იხილეთ ვრცლად). რამდენიმედღიანი დუმილი დაარღვია კლუბის ამჟამინდელმა მეპატრონემ - კომპანია "ვისოლი ჯგუფმა".
განცხადებაში ვკითხულობთ:
"ქუთაისის "ტორპედოს" შესახებ ბოლო დროს გაკეთებულ განცხადებებზე გვინდა განვმარტოთ, რომ "ვისოლი ჯგუფმა" აბსოლუტურად სამართლიანად და კანონის დაცვით შეიძინა "ტორპედო ქუთაისი" და მრავალმილიონიანი ინვესტიცია განახორციელა ამ ლეგენდარული კლუბის ასაღორძინებლად.
ჩვენ მზად ვართ, საჭიროების შემთხვევაში, კლუბის შეძენასთან დაკავშირებით საზოგადოებას სრული ინფორმაცია მივაწოდოთ".
შეგახსენებთ, რომ 2005-2006 წლებში ქუთაისის "ტორპედოს" კლუბის მეპატრონე გია
ხურციძის თქმით, 2005/2006 წლებში "ტორპედოში" 700 ათას დოლარამდე დახარჯა. მაგრამ ამბობს, რომ 2006 წელს გუნდი სახელმწიფო ჩინოვნიკებმა ზეწოლის შედეგად დაათმობინეს.
ხურციძემ ადვოკატებთან კონსულტაციები გაიარა და სასამართლოში სარჩელის შეტანას აპირებს, მაგრამ საქმის გართულების თავიდან ასაცილებლად, ახალ მეპატრონესთან დალაპარაკება სურდა.
მერე იყო ხურციძის რამდენიმე სატელევიზიო ინტერვიუ და როგორც ჩანს, მოლაპარაკება არ გამოვა - ლოგიკურად, "ვისოლი ჯგუფის" ზემოთ მოყვანილი განცხადება ამაზე უნდა მიუთითებდეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
იმედია ასეთებს არ აპარპაშებენ საქართველოში...