როგორც ცნობილია, გორის "დილას" ყოფილი თავკაცი გიორგი დარასელია სამწვრთნელო კარიერას ხაბაროვსკის "სკა-ენერგიაში" გააგრძელებს, სადაც სამ ქართველ ფეხბურთელსაც წაიყვანს - "დილას" კაპიტანს ლაშა სალუქვაძეს, ამავე გუნდის ნახევარმცველს გოჩა ხოჯავასა და ტრავმამოშუშებულ ოთარ მარცვალაძეს.ლაშა სალუქვაძის თქმით, ხაბაროვსკულ კლუბს უახლოეს კვირაში შეუერთდება:
"გადაწყვეტილია, რომ "სკა-ენერგიაში" ვითამაშებ. მაგრამ ჯერ კონტრაქტი არ გამიფორმებია. გუნდის შეკრება ისრაელში 10 იანვარს იწყება, ყველაფერს ადგილზე გავარკვევ და ალბათ, კონტრაქტსაც იქ გავაფორმებ".
ცნობილი ამბავია, რომ რუსეთის პირველი ლიგის მოთამაშეებს გაუთავებელი მოგზაურობა უწევთ, განსაკუთრებით კი, რუსეთის აღმოსავლეთის ქალაქების გუნდის წევრებს.
"ეს არის ყველაზე დიდი პრობლემა, რასაც რუსეთში წავაწყდებით. ლამის 12-საათიანი ფრენა მართლაც ძნელი ასატანია. მაგრამ მთავარია, რომ რუსეთში დავბრუნდი და მოვხვდი კლუბში, რომლის მიზანიც პრემიერლიგაში დაბრუნებაა.. ეს ისეთი გამოწვევაა, რომლისთვისაც ამ სირთულეებთან შეგუება ღირს".
ყოველდღიური სპორტული გაზეთი "ლელო"
ასევე იხილეთ:
ზურაბ არზიანი: მამუკა ჯუღელს ვენდობი და მის რჩევას დაველოდები
ვალდას ივანაუსკასი, ანუ როგორ გავყიდოთ გორის "დილა"?
