21 თებერვალს დიღმის საწვრთნელმა ბაზამ "ბენდელას თასის" ნახევარფინალს უმასპინძლა: თბილისის "დინამო 2"-მა გორის "ქართლი 2011" მიიღო.შეიძლება ითქვას, რომ დინამოელებმა მეორე ლიგაში მოასპარეზე გორელთა გუნდს გრიგალივით გადაუარეს. რამაზ მუმლაძის გაწვრთნილებმა მეტოქეს შანსი არ დაუტოვეს და გამანადგურებელი ანგარიშით, 11:1 დაამარცხეს.
გორელთა კარი ერთდროულად ექვსმა ფეხბურთელმა აიღო: განსაკუთრებით თავი ბუდუ ზივზივაძემ გამოიჩინა, რომელმაც "პოკერი" შეასრულა. დუბლით გამოირჩა ვატო ფოცხვერია. თითო-თითო გაიტანეს ნიკა კვეკვესკირმა, ლაშა პარუნაშვილმა, ბიძინა მახარობლიძემ და ბუბა რუხაძემ.
"დინამო 2": სეფიაშვილი (46. ხაინდრავა)
მაშ ასე, გაირკვა ტურნირის ფინალისტები: "ბენდელას" სტადიონზე ერთმანეთს ტრადიციული მეტოქეების, თბილისის "დინამოსა" და ქუთაისის "ტორპედოს" სარეზერვო გუნდები დაუპირისპირდებიან. შეხვედრა 25 თებერვალს, 14 საათზე დაიწყება.
მე-3 ადგილისთვის მატჩში "ვიტ ჯორჯია-2" გორის "ქართლს" 24 თებერვალს, 14 საათზე "მცხეთა პარკზე" შეხვდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
