საქართველოს ფეხბურთის ფედერაცია გარიგებულ მატჩებთან ბრძოლაში ჩართვისკენ გულშემატკივრებს მოუწოდებს."ძვირფასო გულშემატკივრებო და ფეხბურთის მუშაკებო,
უდავოა, რომ ფეხბურთისთვის უპირველესი პრიორიტეტია, მხოლოდ სამართლიან და პატიოსან ბრძოლაში გამოვლინდეს თითოეული მატჩის თუ შეჯიბრის გამარჯვებული.
სამწუხაროდ, ამას ხელს უშლის ზოგიერთი პირის თუ პირთა ჯგუფის არაკეთილსინდისიერი საქციელი, რაც გამოიხატება მატჩების შედეგით მანიპულირებაში სპორტული თუ ფინანსური სარგებლის მოსაპოვებლად.
ეს, რა თქმა უნდა, ზიანს აყენებს ჩვენთვის საყვარელი სპორტის სახეობას!
გარიგებულ მატჩებთან ბრძოლის საქმეში ძალიან მნიშვნელოვანია ყველა დაინტერესებული მხარის ძალისხმევის გაერთიანება, რადგან მხოლოდ ერთობლივი ძალებითაა შესაძლებელი ფეხბურთიდან ამ მანკიერების
ამიტომ მოგიწოდებთ ყველას, ვისაც აქვს კონკრეტული ფაქტები ან ეჭვები ჩატარებული თუ მომავალი მატჩების სპორტულ სამართლიანობასთან დაკავშირებით, მოგვაწოდოთ შესაბამისი ინფორმაცია. ჩვენ შევქმენით საგანგებო ელ-ფოსტის მისამართი integrity@gff.ge, რომელზეც შგიძლიათ მოგვაწოდოთ ზემოაღნიშნული ინფორმაცია.
ჩვენი მხრივ, ვიძლევით ინფორმაციის მომწოდებლის ვინაობის კონფიდენციალობის გარანტიას.
წინასწარ გმადლობთ თანამშრომლობისთვის ქართული ფეხბურთის საკეთილდღეოდ!
საქართველოს ფეხბურთის ფედერაცია"
