11 აპრილს სპორტული გაზეთი "ლელოს" მე-14 000 ნომერი გამოვიდა. აღნიშნულთან დაკავშირებით გაზეთი რედაქციაში საზეიმო ღონისძიებასაც გამართავს. როგორც "ინტერპრესნიუსს" "ლელოს" მთავარმა რედაქტორმა თენგიზ გაჩეჩილაძემ განუცხადა, ღონისძიებაზე კიდევ ერთხელ ხაზი გაესმება იმას, თუ რა გაუკეთებია გაზეთს შექმნის დღიდან.
"ლელოს" მთავარი პრინციპი არის ქართული სპორტის სამსახური. "ლელო" არ არის მარტო ინფორმატორი, სტატისტიკოსი ან პროპაგანდისტი, "ლელო" ორგანიზატორიცაა. ჩვენი გაზეთი საქართველოში სპორტულ მოძრაობას აძლევს სტიმულს, ეხმარება მეთოდოლოგიის დაგეგმვაში", - აღნიშნა გაჩეჩილაძემ.
მისივე თქმით, "ლელომ" ჩამოაყალიბა საქართველოს ეროვნული ოლიმპიური კომიტეტი, ასევე, სპორტულ ჟურნალისტთა ფედერაციაც. "ჩვენ გვაქვს
გაზეთი "ლელო" 1934 წლის შემდეგ გამოიცემა. თენგიზ გაჩეჩილაძე "ლელოს" მეექვსე რედაქტორია და ის გაზეთს 29 წელია, ხელმძღვანელობს. "ლელოს" პირველი რედაქტორი მიხეილ კაკაბაძე იყო, ვის შემდეგაც გაზეთის რედაქტორები იყვნენ: ერემო მახარაძე, ირაკლი უგულავა, ანზორ ბასილაია და არჩილ გოგელია.
"ინტერპრესნიუსი"
