საქართველოს ფეხბურთის ფედერაციის სამსაჯო განყოფილების ხელმძღვანელმა ლევან ფანიაშვილმა თანამდებობა დატოვა. მან ეს გადაწყვეტილება ჯანმრთელობის მდგომარეობის გაუარესებით ახსნა.
თუმცა იგი სფფ-ში მოღვაწეობას გააგრძელებს და იქ მსაჯობის განვითარების პროგრამის მენეჯერი იქნება.
აღნიშნული პროგრამა საქართველოში უეფას რეკომენდაციით ამოქმედდება და მიზნად ახალგაზრდა მსაჯების უკეთ მომზადებას ისახავს.
ჯერჯერობით უცნობია, ვინ დაიკავებს სამსაჯო განყოფილების უფროსის თანამდებობას.
(იბეჭდება მცირე ცვლილებით)
ყოველდღიური სპორტული გაზეთი "ლელო"
