თბილისის "ლოკომოტივი", რომელსაც საქართველოს 19-წლამდელთა ნაკრების მთავარი მწვრთნელი - ვასილ მაისურაძე თავკაცობს, მალე საწვრთნელ შეკრებაზე ესპანეთში გაემგზავრება.ვასილ მაისურაძესთან ერთად, "ლოკომოტივში" საქართველოს 18-წლამდელთა ნაკრების მთავარი მწვრთნელი - გიორგი დევდარიანიც მუშაობს.
როგორც იცით, ამ საფეხბურთო კლუბში საქართველოს ასაკობრივი ნაკრებების არაერთი წევრი და კანდიდატი თამაშობს. შესაბამისად, ნაკრებების მწვრთნელების კოორდინირებული მუშაობა ეფექტური უნდა იყოს.
თბილისური კლუბი ტესტ-მატჩებს 28 იანვრიდან დაიწყებს და მისი პირველი მეტოქე "ბარსელონას" 19-წლამდელთა გუნდი იქნება. ასევე, დაგეგმილია მატჩები შვეიცარიული "ბაზელის" 21-წლამდელებთან, ნორვეგიულ "ოდ გრენდლანდთან" და "ვალენსია B"-სთან ან "ჰერკულესის" 21-წლამდელთა
დაგვეთანხმებით, ქართული გუნდისთვის მშვენიერი სპარინგ-პარტნიორები შეირჩა. მით უმეტეს, რომ საქართველოს ასაკობრივ ნაკრებებს მარტსა და მაისში მართლაც რომ "ცხელი გაზაფხული" ელით და მსგავსი დონის საერთაშორისო ტესტ-მატჩები საკლუბო თუ სანაკრებო დონეზე მხოლოდ სასიკეთოდ წაგვადგება.
სფფ-ის პრესსამსახური
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
