დღეს, 29 მარტს "დინამო არენის" სალაროებში ონლაინ გაყიდვებიდან ამოღებული საქართველო-გერმანიაზე დასასწრები 15-ლარიანი ბილეთები გაიყიდება. რაოდენობა შეზღუდულია, სალაროები კი, კვლავ საღამოს 18:00 საათამდე იმუშავებს.
აღნიშნული ინფორმაცია საქართველოს ფეხბურთის ფედერაციის "ფეისბუქის" ოფიციალურმა გვერდმა გაავრცელა.
შეგახსენებთ, მანამდე ვრცელდებოდა ინფორმაცია, რომ ყველა ბილეთი გაყიდულია.
საქართველო-გერმანიის ევროპის 2016 წლის ჩემპიონატის შესარჩევი ეტაპის მატჩი "დინამო არენაზე" 20:00 სთ-ზე დაიწყება. შეხვედრის პირდაპირ ტრანსლაციას საზოგადოებრივი მაუწყებლის პირველი არხი განახორციელებს.
ასევე იხილეთ:
ინტერნეტში საქართველო-გერმანიის მატჩის აფიშის ფოტოშარჟი გამოჩნდა
