თბილისის "დინამოს" პრეზიდენტს, რომან ფიფიას გაზეთი "ჩვენი თამაში" ესაუბრა.ფიფიას თქმით, ის კლუბის საფეხბურთო სკოლის დახურვას აპირებს, ხოლო რაც შეეხება აკადემიის დახურვას, ეს ინფორმაცია სიმართლეს არ შეესაბამება.
"საქმე ისაა, რომ მიწის ნაკვეთი არ გვიწყობს ხელს, რომ აკადემიის ტერიტორიაზე სკოლამაც განაგრძოს ფუნქციონირება. ერთი პერიოდი "დინამოსთვის" იქვე მდებარე საფეხბურთო სკოლა "ოლიმპიკის" ტერიტორიის გადმოცემაზე იყო ლაპარაკი, მაგრამ ამ საქმისგან არაფერი გამოვიდა. ახლა კი სწორედ შესაბამისი ტერიტორიის არქონის გამო იძულებული ვარ, სკოლა დავხურო.
დიახ, სკოლის დახურვა გადაწყვეტილია, მაგრამ აკადემია ჩვეულებრივ იმუშავებს. გარკვეული ცვლილებები გვაქვს
ვინც მიცნობს, ყველამ კარგად იცის, რომ "დინამოს" აკადემია ჩემთვის შვილივით არის, ბავშვებს შვილებივით ვუვლი და მათ არაფერს მოვაკლებ. "დინამოს" აკადემია თავის სათქმელს რამდენიმე წელიწადში იტყვის".
რაც შეეხება საფეხბურთო კლუბ "დინამოს" გაყიდვის შესახებ გავრცელებულ ხმებს, ფიფიას თქმით, ეს გამორიცხულია.
მომზადებულია გაზეთ "ჩვენი თამაშის" მიხედვით
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
