უეფას სუპერთასის მატჩზე დასასწრები ბილეთების გაყიდვა დაიწყო. რიგში მდგომი პირველი 50 კაცისგან შემდგარმა ჯგუფმა უკვე გაიარა სპეციალურად ფეხბურთის ფედერაციის მიერ შედგენილი მარშრუტი ვაკის პარკიდან მიხეილ მესხის სახელობის სტადიონის სალარომდე. აღნიშნული ტერიტორია სპეციალური ჯებირებით არის შემოსაზღვრული, რათა ვერავინ შეძლოს ურიგოდ ბილეთების ყიდვა. ადგილზე მობილიზებულია პოლიცია.
როგორც "ინტერპრესნიუსის" კორესპონდენტი ვაკის პარკიდან იტყობინება, პირები, რომლებმაც მოახერხეს ბილეთების შეძენა აცხადებენ, რომ მათ რიგში დგომა რამდენიმე დღე მოუწიათ.
