ქართული კლუბების მორიგმა ევროკრახმა ბევრ რამეზე დაგვაფიქრა. ახლა ის დრო მოვიდა, რომ მოვლენები შევაფასოთ. "ლელო" ცნობილ ქართველ მწვრთნელსა და მეცნიერს, ელგუჯა გუგუშვილს დაუკავშირდა და მომხდარზე აზრის დაფიქსირება სთხოვა...
"დავიწყებ ზოგადი შეფასებით. ჩვენ, ყველანი ვოცნებობთ იმაზე, რომ ქართულმა კლუბებმა ევროთასებზე წარმატებით ითამაშონ და რაც შეიძლება, შორს წავიდნენ. ეს არ გამოდის და ამას თავისი მიზეზები აქვს...
ჩემი აზრით, ჩვენი გუნდების ერთ-ერთი მთავარი პრობლემა ის არის, რომ მათ არ ჰყავთ ლიდერები. ვგულისხმობ ისეთ ფეხბურთელებს, რომლებიც გადამწყვეტ მომენტებში აიყოლიებენ თანაგუნდელებს... ამასთან ერთად, წარმატების მიღწევა
აქვე არის კიდევ ერთი ფაქტორი. დღეს ქართულ ფეხბურთში არ არის სათანადოდ გამოყენებული გამოცდილი მწვრთნელების რესურსი, არადა, გამოცდილი სპეციალისტები ნამდვილად გვყავს.
ჩვენ უნდა ვიცოდეთ, რომ მწვრთნელი თავის კარიერულ სრულყოფას აღწევს 40-50 წლის ასაკში. ეს ხდება მაშინ, როცა ამ მწვრთნელის ზურგს უკან არის დიდი გამოცდილება, არაერთი მოგებული თუ წაგებული მატჩი.
ჩვენი ფეხბურთის კრიზისი მაშინ დაიწყო, როცა ქართულ კლუბებში გაქრნენ ინდივიდუალისტები. დღეს მთელი მსოფლიო ფეხბურთი ინდივიდუალისტებზეა აწყობილი, ჩვენ კი შევეგუეთ მათ გაქრობას.
ქართული ფეხბურთის ტრადიციაა სანახაობა, ტექნიკა, ინტელექტი, იმპროვიზაცია. თუ ახლა მოისპო ეს ტრადიცია, მერე მის აღდგენას წლები დასჭირდება.
ვინ არის იმ მარცხზე პასუხისმგებელი, რომელიც ქართულ კლუბებს ევროპალიგაზე შეემთხვათ? მე ასე ვიტყოდი - ის მწვრთნელები, რომლებიც საკლუბო და ბავშვთა ფეხბურთში საქმიანობენ. ყველა ის პრობლემა, რაზეც ზემოთ ვისაუბრე, აქედან იწყება.
ბევრი ვიფიქრე ამ საკითხზე. ჩემი აზრით, ბურთს რომ ლაპარაკი შეეძლოს, ჩვენს ფეხბურთელებს ოთხ შეკითხვას დაუსვამდა:
1. უპატრონო ხომ არ ვარ? ვგულისხმობ იმას, რომ როცა მსაჯს მინდორზე გამოაქვს ბურთი, ის თითქმის სულ ჩვენს მოწინააღმდეგეს უჭირავს.
2. თავიდან რატომ მიშორებ? თუნდაც ამ სამ შეხვედრაში ქართული კლუბების შესრულებით უამრავი არაზუსტი გადაცემა გაკეთდა.
3. რატომ მაწვალებ? აქ მხედველობაში მაქვს ბურთის გაუთავებელი და გაუაზრებელი ტარება, რაც მნიშვნელოვნად ანელებს თამაშის ტემპს.
4. და ყველაზე მთავარი კითხვა: რატომ არ მეფერები? ქართული ფეხბურთი და ქართველი ფეხბურთელი ოდითგანვე გამოირჩეოდა მაღალი ტექნიკური არსენალით. ახლა ეს ასე აღარ არის. ტექნიკურ ფეხბურთელზე იტყვიან ხოლმე - ბურთს ეფერებაო. დღეს ჩვენში ბურთს აღარავინ ეფერება.
აუცილებლად უნდა ითქვას, რომ დღეს ჩვენს გუნდებში ძალიან დაბალ დონეზეა პასის კულტურა, რომელიც თამაშის ხარისხის ერთ-ერთი მთავარი განმაპირობებელია. გარდა ამისა, ვერანაირ კრიტიკას ვერ უძლებს ჩვენი ფეხბურთელების ფიზიკური მომზადების დონე.
აუცილებლად მინდა დავაფიქსირო ჩემი პოზიცია იმ სამი გუნდის მწვრთნელებთან დაკავშირებით, რომლებიც ევროთასებიდან გავარდნილ გუნდებს ხელმძღვანელობდნენ.
ჩემი პირადი აზრია - იმ მარცხში, რომელიც ჩვენმა კლუბებმა განიცადეს, ისინი დამნაშავენი არ არიან. დამნაშავეა ის ზოგადი ვითარება, რომელიც დღეს გვაქვს. ეს არის განყენებული და ძალიან სპეციფიკური თემა, რომელსაც ვრცელი ანალიზი სჭირდება.
მთავარი მაინც ისაა, რა ხდება დღეს ჩვენს ბავშვთა ფეხბურთში. როგორი მომზადებული მოდის თაობა დიდ გუნდებში", - გვითხრა გუგუშვილმა.
ყოველდღიური სპორტული გაზეთი "ლელო"
მწვრთნელი ეძახდა უკან დააბრუნე ბურთი უკან დააბრუნეო თან სწრაფი იყო და ქარივით მირბოდა წინ შეტევაში გოლებიც გაქონდა და პასებსაც ადსლევდა მაგრამ მწვრტნელმა დაცვაში დააყენა რა უნდოდა ვერ გავიგე იკით კიდევ მშობლები რჩევებს და შენიშვნებს აფრკვევდნენ
ეხბურთი არამასობრივი და ამ ფონზე რას ფპილოსოფოსბთ
ყველა ერთ და იგივე პრობლრმაზე ლაპარაკობს,კიი,მართალია,ვიცით რაშიც არის პრობლემ მაგგრამ გაუთავებელი ლაპარაკის .......... საქმე ბაბა საქმე!!!!!!!!!!
უმთავრესი პრობლემა მაინც... ქართველი ფეხბურთელები ფ ი ზ ი კ უ რ ი მომზადებაა,
ყველა დონეზე!
პ ე პ ლ ე ბ ი ვ ი თ დაფარფატებენ და ელემენტალური ღირსების გრძნობა არა აქვთ,რომ ასეთი ს უ ს ტ ე ბ ი არიან..
და ასე...ბ ა ვ შ ვ ო ბ ი დ ა ნ ?!
ამიტომაა ყ ვ ე ლ ა ორთაბრძოლაში აგებენ და ბურთს მუდამ იშორებენ,უკან პასები და დაფეთებულ-შეშინებული ფარფატი მოედანზე...
ძ ლ ი ე რ ი
ფიზიკური მომზადება,და ინდივიდუალური თამაშის გათავისება,წ ი ნ და მხოლოდ წ ი ნ მოძრაობები....ბურთის ართმევაზე მუდამ ბრძოლით,და ფსიკური სიმტკიცით...
ფ ი ტ ნ ე ს ი ...მუდამ ბურთის მოპოვებისა და დაუფლების უნარი მაშინ გაღვივდება!!!
ჟ ი ნ ი ც მაშინ განმტკიცდება და წარმატებებიც მხოლოდ ამ შემთხვევაში მოვა!!!
ნ ა კ რ ე ბ ი ც გაცილებით ძლიერი და ანგარისგასაწევი შეიქმნება ნებისმიერი მეტოქისათვის!!!
სხვაღაშორის...ქართველ
რ ა გ ბ ი ს ტ ე ბ ს,რომ ეთამაშათ...ფ ე ხ ბ უ რ თ შ ი,იმ სამივე გუნდს დაამარცხებდნენ,თან თ ა ვ ი ს უ ფ ლ ა დ !!!