ბათუმის "დინამო" სტადიონის აშენებას ვერა და ვერ ეღირსა, მაგრამ ამ ფონზე მცირე კომპენსაციად ანგისას საფეხბურთო ბაზა გამოდგება, რომელსაც საფუძველი ახლახან ჩაეყარა.სპორტული ბაზის მშენებლობა ბათუმის მერმა გიორგი ერმაკოვმა აჭარის მთავრობის თავმჯდომარე არჩილ ხაბაძესთან ერთად დაათვალიერა.
ცნობილი გახდა, რომ ბაზაზე ბუნებრივ და ხელოვნურსაფარიანი მოედნები მოეწყობა და საცხოვრებელი კორპუსიც წამოიჭიმება. პროექტის ღირებულება 4,9 მილიონი ლარია. მშენებლობას ტენდერში გამარჯვებული კომპანია "ენერგოსექტორმშენი" ახორციელებს.
ანგისას საფეხბურთო ბაზის მშენებლობის დასრულებას 2016 წლის დეკემბერში ვარაუდობენ.
"ბათუმის "დინამო" საკმაოდ დიდი ტრადიციების მქონე კლუბია. ამის მიუხედავად, გუნდს საკუთარი ბაზა
ტენდერი მცირე ხნის წინათ ჩატარდა და მშენებლობა სწრაფი ტემპით მიმდინარეობს. პრეზენტაციაზე ითქვა, რომ მთავარ მოედანთან 1575 მაყურებელზე გათვლილი ტრიბუნა აშენდება, აგრეთვე, 4-სართულიანი ადმინისტრაციული შენობა, სადაც სამ სართულზე სასტუმრო განთავსდება. ეს იმიტომ, რომ ბათუმი მზარდი საკურორტო ქალაქია და შეკრებაზე მყოფი გუნდებიც უნდა მივიღოთ. ეს გუნდს დამატებით შემოსავალს მოუტანს, რაც ნამდვილად არ გვაწყენს", - ამბობს "დინამოს" დირექტორი ოთარ ფედიჩკინი.
ყოველდღიური სპორტული გაზეთი "ლელო"
![ეროვნული ლიგა. XXIX ტური. "დინამო" (ბთ) - "გაგრა" [LIVE]](/pictures/image7/aabaf85099ba61777969b1e7b4aac87d.png "ეროვნული ლიგა. XXIX ტური. \"დინამო\" (ბთ) - \"გაგრა\" [LIVE]")
