18 აგვისტოს, ევროპალიგის პლეი ოფის პირველ მატჩში, თბილისის "დინამო" ბერძნულ პაოკ-ს უმასპინძლებს. უეფამ ამ შეხვედრის განსჯა ებრაელ მსაჯთა ბრიგადას მაინდო. არბიტრად ლირან ლიანი დანიშნა, ლაინსმენები იქნებიან დავიდ ელიას ბიტონი და ნისან დევიდი, ხოლო მეოთხე არბიტრი - მანაშე მასაია.39 წლის ლირან ლიანი ფიფას არბიტრი 2011 წელს გახდა, ხოლო ერთი წლის შემდეგ II კატეგორია მიიღო. ბოლოს საერთაშორისო შეხვედრა 3 აგვისტოს განსაჯა, როცა ჩემპიონთა ლიგის მესამე საკვალიფიკაციო ეტაპის საპასუხო მატჩში დანიურმა "კოპენჰაგენმა" რუმინეთის "ასტრას" 3:0 სძლია.
მას უეფა ხშირად ნიშნავს ჩემპიონთა და
საინტერესო უნდა იყოს ლიანის სტატისტიკა: ბოლო 10 საერთაშორისო შეხვედრაში მან სულ 34 ყვითელი ბარათი გამოიყენა, ხოლო წითელი მხოლოდ ერთხელ - 2015 წლის 5 სექტემბერს კიევში, უკრაინა-ბელორუსის მატჩში მასპინძელი დენის გარმაში მეორე ყვითელი ბარათით გააძევა. ამ მაჩვენებლებით შეიძლება ითქვას, რომ ლიანი ზომიერად მკაცრი არბიტრია.
სხვათა შორის, ბერძნული გამოცემა "მეტროსპორტის" ცნობით, 13 აგვისტოს თბილისში პაოკ-ის მთავარი მწვრთნელის, ვლადან ივიჩის ასისტენტი გრიგორი კავალიერატოსი იმყოფებოდა, რომელმაც მომავალი მეტოქე ლანჩხუთის "გურიასთან" მატჩში დაზვერა.
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
