დღეს 12 საათზე მიხეილ მესხის სახელობის სტადიონის საკონფერენციო დარბაზში საქართველოს ფეხბურთის ფედერაციის აღმასკომის სხდომა გაიმართება, სადაც შემდეგი დღის წესრიგი იქნება წარმოდგენილი:1. სფფ-ის წესდების 68-ე მუხლის მოქმედებაში მოყვანის შესახებ;
2. სფფ-ის წევრებისთვის ყოველწლიური საწევროს შეტანის ოდენობის დადგენის შესახებ;
3. სფფ-ის სპეციალური კომიტეტის შექმნის შესახებ;
4. ლანჩხუთის მუნიციპალიტეტის გამგეობის წერილის შესახებ;
5. საფეხბურთო კლუბ "ტყიბულის" შესახებ;
6. სხვადასხვა.
ცნობისათვის, ფეხბურთის ფედერაციის 68-ე მუხლში ნათქვამია, რომ სფფ უფლებამოსილია ორგანიზება და კოორდინაცია გაუწიოს მის ტერიტორიაზე გამართულ ოფიციალურ ტურნირებს -
საინტერესოა აღმასკომის დღის წესრიგის მეორე პუნქტით გათვალისწინებული თემა. ვნახოთ, უცვლელი დარჩება თუ შეიცვლება პროფესიული ფეხბურთის ლიგის მიერ დადგენილი საწევრო გადასახადები. მოსალოდნელია, რომ დღევანდელ აღმასკომზე სფფ-სა და "ზესტაფონს" შორის წარმოშობილ დავაზეც იქნება საუბარი.
