კევინ დევისი და 22 ინგლისელი

ინგლისის ნაკრები 12 ოქტომბერს ჩერნოგორიას ხვდება. G ჯგუფის ამ შეხვედრისთვის ინგლისელთა მწვრთნელმა ფაბიო კაპელომ გულშემატკივარს სიურპრიზი მოუწყო – გუნდში "ბოლტონის" 33 წლის თავდამსხმელი კევინ დევისი იხმო. საინტერესოა, რომ დევისი სწორედ ცოტა ხნის წინ ხუმრობდა, ჩემს ასაკში უმალ იამაიკის ნაკრებში მიმიწვევენ ვიდრე ინგლისისაშიო. იამაიკის ნაკრებისა რა მოგახსენოთ და წარმოშობით შეფილდელმა ინგლისის ეროვნულ გუნდში კი ამოჰყო თავი.

თვალშისაცემი გახლდათ "ვესტ ჰემის" გოლკიპერის რობერტ გრინის დაბრუნებაც. ეს სწორედ ის გრინი გახლავთ, რომელმაც მსოფლიოს ჩემპიონატზე აშშ-ის ნაკრებთან შეხვედრაში კურიოზული გოლი გაუშვა. კიდევ, კაპელომ სცადა გუნდში ემილ ჰესკი დაებრუნებინა, მაგრამ, ვეტერანს მტკიცედ აქვს გადაწყვეტილი საერთაშორისო ფეხბურთს შეეშვას. სამაგიეროდ სერ ალექს ფერგიუსონის მიერ გამოცხადებული "კოჭის ტრავმა" ბუეინ რუნის სანაკრებოდ მოურჩა. ინგლისის ნაკრების სრული შემადგენლობა ასეთია:

მეკარეები: ბენ ფოსტერი (ბირმინგემი), რობერტ გრინი (ვესტ ჰემი), ჯო ჰარტი (მანჩესტერ სიტი);

მცველები: ეშლი კოული (ჩელსი), ფილ ჯეგიელკა (ევერტონი), გლენ ჯონსონი (ლივერპული), რიო ფერდინანდი (მანჩესტერ იუნაიტედი), ჯოლიონ ლესკოტი (მანჩესტერ სიტი), ჯონ ტერი (ჩელსი), სტივენ უორნოკი (ასტონ ვილა);

ნახევარმცველები: გარეთ ბერი (მანჩესტერ სიტი), ჯო კოული (ლივერპული), სტივენ ჯერარდი (ლივერპული), ტომ ჰადლსტოუნი (ტოტენჰემი), ადამ ჯონსონი (მანჩესტერ სიტი), აარონ ლენონი (ტოტენჰემი), ჯეკ უილშერი (არსენალი), შონ რაიტ-ფილიპსი (მანჩესტერ სიტი), ეშლი იანგი (ასტონ ვილა);

თავდამსხმელები: დარენ ბენტი (სანდერლენდი), პიტერ კრაუჩი (ტოტენჰემი), კევინ დევისი (ბოლტონი), უეინ რუნი (მანჩესტერ იუნაიტედი)