"რეალის" თავდამსხმელმა კრიშტიანო რონალდომ, რომელმაც ესპანეთის თასის ფინალში "ბარსელონასთან" გამარჯვების გოლი გაიტანა, წარმატების მნიშვნელოვნებაზე ისაუბრა.პორტუგალიელის თქმით, მოპოვებული ტიტული "სამეფო კლუბის" ფეხბურთელებს თავდაჯერებას შემატებს.
"თასის მოგება "რეალისთვის" ძალიან მნიშვნელოვანია, რადგან გუნდი ყოველთვის მაქსიმალური შედეგისთვისაა მომართული. დასახული მიზნის მიღწევა შევძელით, რაც საკუთარი ძალების რწმენას გაგვიძლიერებს.
"ბარსელონა" შეხვედრის მეორე ტაიმში უკეთ გამოიყურებოდა, მაგრამ გამარჯვება ჩვენ დაგვრჩა. მოურინიომ გუნდს გამარჯვებულის სულისკვეთება მოუტანა. როდესაც ის კლუბში მოდიოდა, ყველა ამას ელოდა", - თქვა რონალდომ.
მომზადებულია Marca-ს მიხედვით
