მადრიდის "რეალის" მეკარე იკერ კასილიასი დარწმუნებულია, რომ ესპანეთის თასის ფინალში "ბარსელონას" ძლევის შემდეგ, მისი გუნდი კატალონიელებს ჩემპიონთა ლიგაშიც მოუგებს. "ბოლო ორი წელია "რეალს" თან წარუმატებლობა სდევდა, მაგრამ ესპანეთის თასის მოგებით ჩვენ ყველას დავუმტკიცეთ, რომ მეტი შეგვიძლია. ახლა სასწრაფოდ ჩემპიონატში "ვალენსიასთან" მატჩზე უნდა გადავერთოთ, რომელიც ამ შაბათს, 23 აპრილს გვიწევს.
რაც შეეხება "ბარსელონას", ჩემპიონთა ლიგის ნახევარფინალში მასთან ორი დაპირისპირება წინ გვაქვს. ახლა ემოციურ აღმავლობას განვიცდით და "ბარსელონას" ძლევა არ გაგვიჭირდება", - განაცხადა "სამეფო კლუბის" კაპიტანმა.
მომზადებულია Marca-ს მიხედვით
.
