ხიხონის "სპორტინგს" 10 დღით 28 წლის ნახევარმცველი დიეგო კასტრო დააკლდა. მან ბარძაყის კუნთი გაიწყვიტა. ასე რომ, კასტრო შაბათს "დეპორტივოსთან" ვერ ითამაშებს, სამშაბათს კი - "მალაგასთან". დიეგო კასტრო გალისიელია, თუმცა 2006 წლიდან ასტურიულ კლუბში თამაშობს. კასტროს 170-მდე მატჩში 40-მდე გოლი აქვს გატანილი "სპორტინგის" მაისურით. "სპორტინგის" არგენტინელ ფორვარდ გასტონ სანგოის მეტად გაუმართლა - ექიმებმა დაადგინეს, რომ მისი კუნთი არ ჩახეულა, ამიტომაც სანგოის შაბათამდე გამოჯანმრთელების შანსი აქვს.
